Davao Region – Mas gipakusgan karon sa Department of Health region XI ang kampanya batok tuberculosis dungan sa pagpa-igmat sa publiko nga may kalabutan sa maong sakit atol sa pagsaulog karung adlawa sa World TB day.
Gilusad sa doh xi ang “call ka lungs” hotline agig pag-awhag sa publiko nga mutawag sa maong numbero arun nga maatiman ang panginahanglan may kalabutan sa tb.
Sa Davao region, miabot na sa kapin 16,000 ang kaso sa tb niadtong tuig 2022, mas mataas kumpara sa kapin 13,000 niadtong 2021.
Samtang, gi-andam na usab sa DOH ang 83 ka mga health facility sa tibuok rehiyon arun nga maatimam ang may mga problema sa tb, diin libre sab nga ihatag ang mga tambal alang sa mga ma-diagnose sa maong sakit. (Camille Santos Naraga)
(Source: DOH)