Nanawagan kuman an City Tourism Office sa mga Surigaonon o sa mga interesado na mo-intra sa Run for the Love sa 50th Golden Anniversary sa Surigao City na dajon na kuman Marso 8 sa alas 4 sa kaadlawon.
Sa pagkakuman jaon nay 303 an opisyal na registered runners alang sa 21 kilometers, 10k, 5k sanan 3 kilometers na magsugod sa I Love Surigao City sa ato boulevard. Adisir magsugod an djagan an jaoy zumba na ipahigayon.
Sumaya pa ni Roselyn Armida Merlin pwede pa moapas aron magparegister sa City Tourism Office an mga gusto mo-intra. 300 pesos an registration sanan 150 an singlet, makadawat isab nan finishers certificate an mga runners.
Turning points:
3K – DENR PENRO sa San Juan
5K – Villa Gertrudes sa Sabang
10K – Makzterz Beach sa Sabang
21K – Punta Bilar Gym
Ini na kalihokan magsilbi na prelude sa Golden Anniversary sa Surigao City sanan an kita mahiadto sa mga programa sanan proyekto nan Surigao City Tourism and Cultural Development Council, Inc.
Kahinumduman na postponed ini na activity niadtong Pebrero 16 tungod sa DOH Advisory sa COVID-19. (RPN DXKS)