Sa regular session nan Sangguniang Panlungsod Ciudad Surigao naaprubahan gikan sa ikaduha hangtud sa ikatuyo sanan pinal na pagbasa an sugyot ordinansa na maghatag pagtugot sa pagpangutang nan kagamhanan nan ciudad Surigao kantidad P75,250,000.00 para sa construction nan City Hall Annex Bldg.
Pasingod sa pag-apruba namahayag si Konsehal Atty. Noel Christian Toti Catre na nagsugyot na mangajo unta anay nan clearance ngadto sa National Historical Commission of the Philippines para maseguro na wayay malapas na balaod sa implementasyon nan proyekto sa pagtukod nan City Hall Annex Building.
Hinuon tagpaklaro isab ni Konsehal Catre na wayay ija pag-alkontra sa pagpasar sa naasoy na ordinansa na tagduso nan Committee on Ways and Means na tagpanguyuhan ni Konsehal Atty. Danilo Menor. (Jhino Parrucho, Ronda 10 RPN DXKS)