Hustisya para sa ginahasang pinay sa Kuwait tiniyak ng Malakanyang

Tiniyak ng Malakaniyang ang hustisya para sa pilipinang ginahasa ng Kuwaiti policeman.

Sinabi ni Presidential Spokesman Salvador Panelo na kumikilos na si Labor Secretary Silvestre Bello III para managot sa batas ang police officer na si Fayed Nasser Hamad Alajmy.

Isinusulong naman ni Senator Elect Bong Go ang pagtatatag ng Department of OFW dahil sa nasabing insidente.

Batay sa report ng DFA, June 4 lamang dumating sa Kuwait ang hindi pinangalangang biktima na inassist pa ng suspek para sa finger scanning registration sa airport.

Inatasan ng suspek ang biktima na sumunod sa parking lot kung saan ito ginahasa bago ibinalik sa airport.