CAGAYAN DE ORO CITY – Mokapin sa 80 ka kilo sa pork lechon ug 44 kilograms sa fresh pork meat ang nakonpiskar sa mga meat inspectors sa City Veterinary Office sa nakalabay’ng adlaw tungod sa paglapas sa Republic Act 9296 nga nailang Meat Inspection Code of the Philippines. Ang maong mga hot meat nakonpiskar atol sa inspection nga gihimo sa mga barangay sa Bulua, Iponan, Patag ug Canitoan.
Ang mga pork products giila nga hot meat tapos ang mga nanag-iya sa lechon, stalls pakyas pagpresentar sa Meat Inspection Certificate. Ang pakyas pagpakita sa maong sertifiko nagpasabot nga ang mga baboy gimatansa gawas sa gidesignate nga slaughterhouse sa syudad nga naa mahimutang sa barangay Cugman.
Silong sa RA 9296, ang mga kalan-ong hayop nga alang sa human consumption anha lamang matansahon sa mga slaughterhouse nga gidumala sa local nga kagamhanan. Kini aron masiguro nga ang mga karne nasusi sa mga inspectors nga luwas ug way mga sakit o kontaminasyon.
Ang mga malapasan, mag-atubang sa silot nga mokapin sa kinyentos mil pesos (₱ 500,000.00) gawas nga kini pagadid-an na sa pagnegosyo.
Ang City Veterinary Office nagpahinumdum sa tanang lechoneros pagsunod sa balaod aron luwas ang kan-on sa mga konsumante. Sa pikas bahin, aktibo usab ang pagmonitor niini sa buhatan sa pagtuo nga usa kini ka public health concerns. (City Veterinary Office)
