sa pagpang hostage sa eksklusibong Subdivision nga Woodrige Park Subdivision sa Barangay Maa ning syudad. Ang suspek giila nga si Harland Ocampo Garvida hamtong ang pauigon nga lumupyo sa Maa ning syudad.
Sumala pa ni Police Chief Inspector Ronald Lao ang hepe sa Talomo Police Station nga nahitabo ang Hostage Taking alas 9:45 sa buntag niadtong mierkules dihang kalit na lamang misulod sa Subdivision si Garvida nga nagdala ug kutsilyo.
Subay sa imbistigasyon sa kapolisan nga nalisuan sa maayong pangisip si Garvida dihang misulod sa panimalay sa negosyante nga si Allen de Vera 47 anyos ang panuigon ug kalit nga gi hostage ang iyang anak nga batang babae. Tungod niini, nakiglayog si de Vera sa suspek aron nga mailog ang bata hinungdan nga nakalingkawas ang bata ug midagan.
Human sa hitabo, si de Vera na usab ang gitiunan sa suspek ug kutsilyo apan ang negosyante nga nagbitbit sa iyang kaugalingong pusil, kalit niya nga nakablit ang gatilyo hinungdan mibuto ug naigo ang iyang katabang sa balay. Tungod sa komusyon, nakapawag dayon sa mga sakop sa kapolisan ang pamilya ug miabot sa lugar.
Inay nga mosurender, giatake na hinuon sa suspek ang sakop sa Special Weapon and Tactics kun SWAT hinungdan nga napugos usab ang Police nga pusilon ang suspek. Human sa hitabo, gidala gilayon sa Southern Philippine Medical Center ang Suspek kinsa dead on Arrival, lakip nga gidala sa tambalanan ang Police nga nadunggaban ang Katabang nga naigo sa pusil lakip si de Vera kinsa pulos nagpabilin pa sa ospital.