Disyembre 12 sa kasamtangang tuig, tag-inagurahan an 24 Hours Operation nan Hikdop Diesel Power Plant na iya sa National Power Corporation ug e-apud-apod nan SURNECO ngadto sa mga konsumante sa may 8 ka mga barangays nga nag-langkob sa isla sa Hikdop.
Tagpahigayon isab an ceremonial switch-on kun diin tagpangunanahan ni Engr. Rodrigo Fullido an habig nan NPC, samtang gawas sa mga barangay kapitan nan Hikdop didto isab sila Vice Governor Junjun Egay Jr., Board Member Fernando Larong, Provincial Administrator Atty. Primolito Plaza nga nag-representar kan Gov. Sol Matugas, ug Si Mr. Antonieto Charcos isab an nag-representar kan Cong. Ace Bartbers.
Mipabati isab nan pamahayag si Cong. Barbers na tagpaabot pinaagi na kan Mr. Antonieto Charcos na kini dako ang ija pasalamat ngadto na sa National Power Corporation sa pag-lihok para na gajud hingpit na ka-serbisyuhan an mga katawhan sa isla sa Hikdop na subay kini isab sa mandato nan nasudnong panggamhanan na energization para na sa tibuok nasud.