Miabot og unom ka kilo sa high grade shabu nga balor og kapin sa 41 milyones pesos ang nasakmit sa kapolisan sa Sitio Fatima Homes, Brgy. Inayawan, Cebu City kagahapon.
Sa maong operation, nadakpan sila si Renante Tacatani, 39; ug Reynaldo Atillo, 47 anyos nga giilang HVT o high value target.
Suma pa sa labaw sa Police Regional Office o PRO 7, Brig. Gen. Albert Ignatius Ferro, ilang nahibaw-an ang kalihokan ni Tacatani ug Atillo nunot sa buy bust operation sa Brgy. Talamban.
Matodni Ferro, ang ilang gibuhat sa Inayawan usa lang ka follow-up operation sa buy bust sa Talamban.
Gitug-anni Ferro nga ang mga dinakpan mitumbok sa usa ka Jao nga binilanggo sa city jail sa Kalunasan ang giingong ilang tinubdan sa suplay sa shabu nga ila sang giangkon nga gikan sa gawas sa nasod.
Base sa imbestigasyon, si Tacatani ang adunay direct contact ni Jao nga giilang ring leader sa kalihokan sa droga sa Metro Cebu.
Dili kini ang unang higayon nga ang mga inmates sa city jail gilambigit sa negosyo sa ginadiling droga. (Jhon Tadlip/JTY)
Source: Police Regional Office 7