Nahimong bisita nan Sangguniang Panlungsod sa regular session Disyembre 20 ning kasamtangang tuig ang Psupt. Diomedes Cuadra Jr., an hepe nan Surigao City Police Station para na isyu sa pagpamaligya nan mga firecrackers, pyrotechnics partikular na kun hain na lugar sa dakbayan an himuon na naasoy sa pag pang-display.
Sa sulti pa ni Vice Mayor Atty. Alfonso Casurra an presiding officer, na hangtod sa oras nan pag-session wayay bisan sin-o nagpaabot nan hangyo sa konseho para sa kun asa nga lugar an angayan himuan nan pag-display para sa pag pamaligya nan mga pyrotechnics na naandan sa inin panahon nan pasko sanan bag-ong tuig. Sukwahi matod pa sa jadto nanlabay na mga katuigan nga Nobyembre pa may magpaabot na nan intensiyon ngadto sa konseho nan ciudad.
Sa sitwasyon dugang pa nan bise mayor nga mahitabo na an ordinansa sa jadton milabay na tuig na nagtudlo sa city boulevard nga lugar sa pag-display sanan pagbaligya na mga paboto, ug an panahon sa pagbaligya magsugod Disyembre 20, 2018 hangtod Enero 1, 2019. Samtang ang pag-paboto itugot lamang sa mga adlaw nan Disyembre 24 hangtod 25 sanan Disyembre 31 hangtod na Enero 1.
| via Ronda 10 – Jhino Parrucho