Cebu City – Ma-uswag ang gitakdang panagtagbo ni Health Secretary Francisco Duque III uban sa iyang team sa mga health experts ug ni Cebu Provincial Governor Gwendolyn Garcia uban sa mga bokal sa Provincial Board nga karon untang umaabot Lunes, Hunyo 28, 2021, atol sa usa ka special session.
Kini human mihangyo si Sec. Duque nga i uswag ang ilang appearance sa Cebu Provincial Board sa sunod nga adlaw.
Tungod sa maong kalamboan, naka hukom ang Provincial Board nga mopahigayon sa ilang special session sa adlawng Martes, Hunyo 29, 2021, aron ma accommodate si Duque ug ang iyang team nga medical experts.
Sa iyang suwat kang Gov. Garcia, gipahibaw ni Duque nga siya ug ang iyang team dili maka tambong sa Lunes, tungod kay duna siyay tigom sa IATF-MEID nga gi arrange sa Office of the President sa samang adlaw.
” The select IATF-EID and the DOH members, World Health Organization representatives and Medical/Technical Experts would be more willing to assist the Provincial Government of Cebu and continue to the dialogue by rescheduling the meeting to Tuesday, June 29, 2021,” suwat hangyo ni Duque ngadto kang Garcia.
Sa iyang pamahayag, agig tubag ni Garcia, “if it will be move one more day, why not? It’s ok.”
Ang gitakdang panagtagbo ni Duque ug ni Garcia uban sa mga bokal sa hunta probinsyal nasabutan human ang nauna, mi commit nga mobisita sa lalawigan sa Sugbo nonot sa panaglahi ug sa nakitang panagsungi sa palisiya nga gipatuman sa IATF ug sa lokal alang sa mangabot nga mga OFW ug ROF sa nasud.
Gitinguha sa lalawigan nga ma plantsa ang duha ka palisiya ug naglantaw sa “win-win” solution.
Kahidumduman nga kaduha ka higayon nga gipa divert ang mga incoming international flights sa Mactan Cebu International Airport ngadto sa Ninoy Aquino International Airport nonot sa kontrobersya.
Hinoon, sa pagka karon status quo nga anha mo tugpa sa MCIA ang maong mga flights. (Jhon Tadlip/JTY)
(News & photos courtesy of: Cebu Provincial Government)
