Alang sa hapsay ug luwas nga pagsaulog sa Semana Santa, nagpakanaog og Health Advisory ang Misamis Oriental Provincial Inter-Agency Task Force nga maoy mahimong gabayan sa katawhan sa mga kalihukan sunod semana.
Gimando sa Misamis Oriental Provincial IATF ubos ni Dr. Jerie Calingasan nga ang tanan relihiyosong kalihukan nga ipahigayon gikinahanglan nga musubay sa IATF-MEID guidelines ug magpabilin nga ana sa 50% lamang sa kinatibuk-ang kapasidad.
Labinan niadtong mga moapil o motambong sa mga gitugotan nga relihiyosong kalihukan, gikinahanglan ang hugot nga pagpatuman sa minimum public health standards sama sa pagsul-ob og face mask ug face shield, social/physical distancing, ug makanunayon nga paghugas sa mga kamot.
Subay niini ginadili ang mga musunod nga kalihukan sugod sa Marso 29, 2021 hangtod Abril 3, 2021:
- Religious Procession;
- Spiritual Pilgrimage through the “Stations of the Cross”;
- Religious Street Plays; and
- Analogous Activities
Ang tanan tourist destinations hingpit usab nga gimandoan nga motuman sa 50% capacity rule sa pagdawat sa mga bisita sa umaabot na Adlaw sa Pagkabanhaw (April 4, 2021).
Dugang pahinumdum ni Gobernador Bambi Emano sa katawhan nga dili magkumpyansa ug musunod sa mando sa Provincial IATF hilabina nga kamulo pa nga ginapahigayon ang vaccination campaign sa lalawigan ug anaa pa nagpabilin ang hulga sa COVID-19. (Provincial Information Office – MisOr)