Cagayan de Oro – Usa ka importanting hisgotanan mahitungod na sa umalabot nga demolisyon sa mga panimalay sulod sa Kampo Evangelista ang gilakbitan dipalang dugay ni Congressman Atty. Lordan Suan uban ni MGen Jose Maria Cuerpo, kini atol sa 4th ID Philippine Army Talk to Troops session diha sa Barangay Patag ning syudad.
Hisayran nga karong umalabot Abril 1, 2024 na ang demolisyon sulod sa maong kampo, hinungdan nga gikaguol kini pag-ayo sa kongresista ingon man sa mga residente nga apektado, asa kini sila wala pay kasiguraduhan sa ilang kabalhinan.
Gitinguha karon ni Kongresista Suan nga mahatagan sa igo nga panahon ang mga lumolupyo hangtod mahuman ang tuig sa klase diin gi-presentar sa nasangpit nga kongresista ang usa ka sugyot sa pagbuhat og on-site relocation nga pagabalhinan sa mga malakip sa demolisyon diin kasamtangan kining sutaon ug tun-an sa 4th ID.
Subay niana misaad usab si MGen Cuerpo nga tutokan ang maong proposisyon.
Hisayran nga prayoridad karon ni Kongresista Suan nga matagaan gayud sa dakong pagtagad ang hangyo sa mga residente aron masiguro ang ila unyang kaplastaran ug kabalhinan luyo sa pag demolish sa ilang mga puloy-anan.
News and photo courtesy of CIO CDO