Ang Gobernador ning lalawigan sa Zamboanga del Norte nga si Governor Rosalina “Nanay Nene” Jalosjos, mupatigayon na usab ug usa ka mahinungdanong kalihukan, usa ka kompetisyon nga mao ang 1st Governor Nanay Nene Intercollegiate Basketball Tournament.
Kini giluwatan sama sa napatigayong torneyo nga nagmalampuson usab sa miaging tuig nga mao ang 1st Gov. Nanay Nene Invitational Basketball Tournament diin gisalmutan sa unom (6) ka nga teams gikan sa lain-laing lugar sa Mindanao.
Ang Intercollegiate Basketball Tournament ipatigayon sa ZN Convention and Sports Center, Estaka Dipolog City mga alas 5:00 ang takna sa kahapunon,karong umaabot Marso 1,2024.
Kini salmutan sa siyam (9) ka nagka lain-laing tulunghaan ning lalawigan sa Zamboanga del Norte, langkoban kini sa tulunghaan gikan sa Jose Rizal Memorial State University sa tulo ka campus,Dipolog,Dapitan ug Katipunan, tulunghaan gikan sa Colegio de San Francisco Javier sa Rizal, Dipolog Medical Center, Andres Bonifacio College, Saint Vincent’s College, Dipolog City Institute of Technology, ug Phillippine Southern College sa Labason.
Ang mudaog sa maong torneyo mahimong makadawat ug dagkong premyo diin ang Champion makadawat ug P50,000, 1st Runner up P30,000, 2nd Runner up P20,000 ug ang 3rd Runner up P10,000.
Samtang ang tanang teams makadawat ug tag P15,000 alang sa ilang subsidy allowance. (Medalyn U. Borja, RPN DXKD Correspondent)
(Source: Provincial Government of Zamboanga del Norte Facebook page)