29.8 C
Manila
Thursday, March 28, 2024

Grupong Beta Sigma Chapter Sa Alpha Kappa Rho Nga Gitumbok Nga Responsable Sa Pagkamatay Ni Robert Jun Fernandez Nadismaya

- Advertisement -

Gikadismaya sa grupong mao’y gitumbok nga responsable sa pagkamatay sa ilang myembro nga si Robert Jun Fernandez, 22 anyos, ulitawo, tricycle driver ug lumulupyo sa Purok 5, Brgy. Canlanipa Proper, ning dakbayan nga gideklarang dead on arrival sa Caraga Regional Hospital pinaagi ni Dr. Rodrigo Amoncio niadtong Domingo, Agosto 9 sa may alas 12:40 sa tungang gabie diin ang namatay gjkan nga mitambong sa ika-47 nga anibersaryo sa Alpha Kappa Rho.

Sa gipahigayong Press Conference kagahapong adlawa sa mga opisyales ug myembro sa Beta Sigma Chapter didto sa nasampit nga barangay pinangunahan ni MR. FRANKLIN LIBAY, ang Grand Skeptron, giingon niini nga dili dayon sila hukman sa gidangatan sa ilang myembro gumikan kay dili lang kung usa ka pangalan ang madaot kundili ang tibuok nilang kapatiran.

Sumala ni Libay nga aminado siyang aduna’y natigayong ritwal o pagpaso sa may pulso nga bahin sa tulo (3) nila ka myembro lakip na si Fernandez nga buot magpa forever sa grupo atol sa ilang anibersaryo niadtong Sabado, Agosto 8 apan wala’y paddling nga nahitabo tungod kay gipatuman nila matud pa ang anti-hazing. Mga kalingawan sama na sa variety show ug dula lamang ang ilang ginahimo.

Giklaro ni Libay nga si Fernandez dili na kung neophyte sa grupo. Mi-join kini sa ilang anibersaryo mga ala 1:00 o alas 2:00 sa hapon ug dungan silang tanan nga namauli pagka alas 6:30 sa gabie. Gikan niadto wala na sila masayod kung asa pa miadto si Fernandez human sa ilang pagbulag-bulag.
(Jun Prex Salubre, Ronda 6 RPN DXKS Surigao)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -