Gibantayan karon sa EOC o Emergency Operations Center sa dakbayan sa Sugbo ang usa ka grupo sa mga seminarista dihang ang usa kanila nagpositibo sa coronavirus disease.
Gitug-an ni Konsehal Joel Garganera, pangu sa EOC, nga ang 30 ka close contact sa pasyente gipang-swab na ug gi-isolate.
Suma pa ni Garganera, ang grupo sa mga seminarista paingon na untang mosulod sa seminaryo.
Apan base sa sumbanan, kinahanglan unang mopaubos sila sa swab test sa dili makasud sa seminary compound sanglit ibutang man sila sa bubble kon anaa na sila sa sud.
Matod ni Garganera, nangabot sa siyudad ang mga seminarian niadtong Enero 5.
Midugang ang deputy chief implementer sa local IATF o Interagency Task Force sa siyudad nga ang mga seminarista gi-isolate sa ilang tagsa tagsa ka lawak samtang nagpaabot sa resulta sa swab test.
via Jhon Tadlip/JTY
Source: Emergency Operations Center
Photo: Joel Garganera