CAGAYAN DE ORO CITY- Aron sa paghatag kapuy-an sa kapin 700 ka mga pamilya nga naapektuhan sa Flood Risk Project for Cagayan de Oro River o ang gitawag nga “Mega Dike Project”, sila si Mayor Oscar Moreno ug ang opisyal sa DPWH-10, NHA ug JICA ang nagpahigayon sa groundbreaking kagahapon sa unom ka hektarya nga Pagatpat Valley Residences sa Sitio Pamalihi, barangay Pagatpat ning dakbayan.
Ang Pagatpat Valley Residences, usa ka joint project sa city government, NHA, DPWH ug JICA diin walo ka 5-storey building ang tukuron sa maong project site. Matag building mahimong maka-ammodote sa 60 ka housing units sila si City Coucilors Girlie Balaba, Edgar Cabanlas, Alam Lim, George Goking, Joha Micheal Seno ug Reuben Daba uban sa City Housing and Urban Development Department head Engr. Ermin Star Pimentel ug cityhall department heads ang misaksi usab sa maong kalihokan.