Gradual, partial lifting ng ECQ sa April 15 inirekomenda ng DTI sa IATF

Irerekomenda ng Department of Trade and Industry (DTI) sa Inter-Agency Task Force on the Emerging Infectious Disease (IATF-EID) na ikasa ang gradual o partial lifting ng enhanced community quarantine (ECQ) sa April 15.

Ayon kay DTI Secretary Ramon Lopez, suportado nila ang panawagan ng mga negosyante na magkaroon ng moderate na pagtatanggal sa ECQ.

Subalit, binigyang diin ni Lopez na tanging ang mga negosyo lamang na may kaugnayan sa produksyon at manufacturing ng pagkain at iba pang essential goods ang papayayang mag-operate.