33.8 C
Manila
Friday, March 29, 2024

Governor Solon Padayon Ang Pag-Awhag Nga Sundon Ang “6 Feet-2 Meters Apart Physical Distancing”

- Advertisement -

Padayon ang pag-awhag si Governor Steve Chiongbian Solon nga sundon sa mga taga-Sarangani Province ang pagtuman sa 6 feet kon 2 meters apart physical distancing isip panagana nga dili matakbuyan sa makamatay nga Coronavirus. Seryoso ug dili katiaw-tiawan ang COVID-19 maong dili dapat matud pa magkumpyansa, hilabi na nga nagpadayon pa ang local transmission.

Mubo ra matud pa ang usa (1) ka metrong gilay-on, maong naghatag og direktiba si Governor Solon nga duha (2) ka metros dapat ang distansya kung adunay kaisturya o katapad, inubanan sa pagsuot og face mask ug face shield ug ang pag-disinfect permi sa mga kamot.

Apan aron wala nay kabalaka, dili na lang mugawas sa panimalay kung wala man lay importanteng tuyo.

Gidayig na lamang sa Gobernador ang mga barangay health worker-BHERT sa padayong pagtuyok sa mga kabarangayan sa entiro Sarangani Province sa pag-monitor sa mga POI kon person of interest sa ilang lugar ubos sa superbisyon sa ilang mga barangay kapitanes ug barangay midwife.

Hilabi napud matud pa sa mga medical doctor, nurses, med tech, ug uban pang medical professionals ug volunteers sa pagbutang og risgo sa ilang kaugalingon alang sa serbisyo publiko ning panahon sa pandemya. Ug sa tanang kapulisan, kasundaluhan ug mga auxiliary forces nga naga-ayuda sa seguridad ug ang pagsiguro nga ang mga residente ang nakatuman sa safety protocols batok COVID-19. Lakip na ang hut-ong sa media nga padayong nagpabalo ug nagpasabot sa katawhan sa tamang impormasyon kabahin sa Coronavirus. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -