28.6 C
Manila
Friday, March 29, 2024

Governor Solon Nagpasalamat Sa Mga Nagpadangat Og Ayuda Sa Sarangani Province, Napulo Ka Libo (10k) Kabuok Surgical Mask Gikan Kang Senador Pacquiao Niabot Na

- Advertisement -

Dako ang pagpasalamat ni Governor Steve Chiongbian Solon ngadto sa Manny Pacquiao Foundation gipangunahan nila Senador Manny ug Congressman Ruel Pacquiao gumikan niabot na ang napulo ka libo (10k) kabuok surgical mask para sa Sarangani Province. Gani, naapud-apod na kini sa pito (7) ka mayor, dakong tabang sa mga frontline worker nga anaa sa mga hospital, kabarangayan ug sa mga gabantay sa tanang checkpoint.

Segun ni Governor Solon, may gilauman pa kini nga mga extra face mask nga muabot, ug nanghinaot kini nga makahatag og face mask sa tagsa-tagsa ka pinuy-anan sa Sarangani. Niabot ang maong mga face mask sakay pa sa pang-cargo nga eroplano sa Cebu Pacific tungod temporaryong gipang-kansela ang mga byahe sa eroplano sa Gensan Airport gumikan sa hulga sa Coronavirus. Gilauman usab sa Gobernador nga adunay mga testing kit ang muabot alang sa Sarangani Province.

Gipasalamatan pud ni Governor Solon ang uban pang pribadong kumpanya nga nagpadangat sa ilang ayuda sa mga kalihukan aron mapugngan ang pagsulod sa Coronavirus sa Sarangani Province, sama na lang sa RD Corporation nga nihatag og mga surgical ug N95 mask, isolation gown, surgical hood ug mga skin cleanser. Samtang, ang ALSONS Group of Companies ang nagpadala usab og mga ginalon nga mga Benzalkonium chloride isip disinfectant.

Gidayig usab niini ang ECPC/Environmental Conservation and Protection Center sa pagdumala ni Executive Director Kido Ramirez gumikan nakabuhat kini og alcohol, 70 percent ethyl alcohol gamit ang ethanol. Sa nagka-kulang karon nga supply sa commercial alcohol tibuok Pilipinas, naka-produce pa ang ECPC og kaugalingong alcohol isip hand sanitizer ug disinfectant.

Kagahapon, gipanghatagan sa ECPC ang mga anaa sa hospital ug kadtong anaa gabantay sa mga checkpoint, lakip na ang pipila ka barangay sa Sarangani Province. Padayon nga magmugna og ethyl alcohol ang ECPC human nigahin og pondo Five Hundred Thousand Pesos (P500K) si Governor Solon aron makapalit og dungag ingredients. Kagabii, gibalita sa nasyonal nga telebisyon sa ABS CBN ang maong gibuhat nga pag-imbento sa mga local scientist ug researchers sa ECPC Sarangani.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -