Misamis Oriental – MIPAGAWAS si Gov. Peter ‘Sr. Pedro’ M. Unabia sa Executive Order No. 014 series of 2025 kon pagtuman sa mga giya sa paglikay, pagsusi, pag-isolate ug pagdumala sa MPOX (Monkeypox) Infection.
Pagsunod kini sa Department of Health Memorandum No. 2024-0306 kung asa gimandoan ang tanang Local Government Units sa pagsunod ug pag-implementa sa updated guidelines alang sa insaktong pagdumala sa MPOX Infection isip pagpanalipod sa panglawas sa komunidad.
Sulod sa maong Executive Order, tungod sa hulga sa MPOX infection sa Pilipinas ang probinsya sa Misamis Oriental gikinahanglang mu-adaptar sa new and adaptive normal nga public health governance pinaagi sa paghimo sa tukma ug science-based nga pamaagi sa pagpakgang sa maong sakit.
Lakip sa EO ang pagdasig ni Gov. Unabia sa tanan katawhan sa pagsunod sa minimum preventive precautions sa DOH sama sa paglikay sa pakig-close contact sa mga indibidwal nga dunay kaso sa mpox, proper hand washing, paglikay sa paghawid sa mga butang hilabina sa mga pampublikong lugar lakip na ang paghikap sa mga nagsakit/patay nga mananap.
Anaa sa General Guidelines, tanang healthcare workers sa pampubliko ug pribado, syudad ug kalungsoran, kinahanglang musunod sa guidelines for prevention, detection, isolation, treatment, and reintegration sa MPOX.
Lakip sa mga health facilities, gikinahanglan sa pag-activate sa ilang report ug referral system sa deteksyon sa MPOX ug makig-koordinar sa Provincial Health Office (PHO) ug Misamis Oriental Provincial DOH Office (PDOHO).
Ang Executive Order gipatuman sugod Hunyo 2, 2025.
Samtang base sa Memorandum JVL No. 0831-2025,sa kasamtangan NO CONFIRMED CASE OF MPOX ang probinsya sa Misamis Oriental .
Courtesy of Misamis Oriental PIO