Si konsehal George Goking, chairman sa komite sa ways & means ug trade & commerce, namahayag kabahin sa ka-importante sa Private Public Partnership Program kon P4.
Ang maong program naghatag og kahigayonan sa mga pribadong kompanya nga makaabag sa katawhan ubos sa P4 modalities.
Ang maong pamaagi dako kaayo og ikatabang ilabina niining panahon sa pandemya.
Matod ni Goking nga mahimong mapadayon ang mga proyekto sa kagamhanan sama sa Build-and-Transfer (BT), Build-Lease-and-Transfer (BLT), Build-Operate-and-Transfer (BOT), Build-Own-and-Operate (BOO) ingon man Service Contract without using city funds ug Service Contract using City funds.
Kini mahimong gamiton sa mga negosyante aron mapadayon ang mga programa ug proyekto sa kagamhanan samtang padayong magtabang sa katawhan sa ilang kapanginabuhian. (SP)
Gibutyag nga daghan pa ang mga programa sa P4 nga angayang tun-an aron mahimo usab nga gamiton alang sa dugang kalamboan sa syudad. (SP)