Nangilatang ti gobierno probinsial ti naan-anay a pundo a mausar iti pannakadalus dagiti canal.
Inlawlawag ni Mrs. Estrella Baby Sacro, mangidadaulo ti Environment and Natural Resources Office a daytoy ket paset iti napinget a kalikagum ni Gob. Matthew Marcos Manotoc a maliklikan ti nakana a panaglayus iti daytoy a panawen ti panagtutudo.
Inbunannagna a daytoy ti kangrunaan a maipatrabaho kadagiti agbalin a benepisiario ti “cash for work”.
Impalgakna nga iti masungsungad nga aldaw ket isaganaanen ti probinsia ti pannakadalus dagiti canal. Immun-una ngem daytoy, kuna ni Sacro a naisayangkat ti “briefing” kadagiti sumagmamanon a kakailian a manamnama nga agbalin a benerpisiario ti “cash for work”.(Cita Macalipis, RPN DZRL Batac Correspondent)
(Source: Provincial Government of Ilocos Norte)