Mamati ni Gobernador Matthew Marcos Manotoc a pagrebbengan tI gobierno probinsial a tulungan dagiti kaprobinsiaan a naistranded wenno marigatan gapu iti krisis a ginubway ti COVID-19.
Mainaig iti daytoy, imbatadna a sindadaan ti gobierno probinsial a tumulong kadagiti kakailian nga agad-adal idiay Metro Manila a napinget ti kalikagumda nga agawid ditoy Ilocos Norte.
Nupay kasta, nagkedkedan ti gobernador a nangilawlawag no kasano a matulungan dagitoy a makasubli ditoy probinsia.
Inlawlawagna a kadagiti napinget ti tarigagayda nga agpatulong ket mabalinda nga ipadanon ti arungaingda iti Communication and Media Office wenno iti Facebook Page account ti gobernador
Impasigurado ni Gob. Matthew Marcos Manotoc a saan a baybay-an ti probinsia ti asino man a marigrigatan kadagitoy a gundaway gapu iti agdama a krisis.