El gobierno local ya honra con el mga miembros del delegacion de Zamboanga que ya captura ocho medallas de oro, seis plata, y 11 bronze durante el Palarong Pambansa de este año que ya conduci na ciudad de Cebu desde Julio 11 hasta 15.
El honrada ya encabesa el Alcalde John Dalipe del Lunes durante el ceremonia de bandera enfrente del City Hall.
Asegun con Dalipe, el mga medallistas amo parte del delegacion del ciudad de Zamboanga para na Paragames, Chess, Dancesport, Gymnastic, Swimming y Taekwondo.
Igualmente, Si Dalipe ya reconoce con Kristine Paraon, quien ya gana medalla de oro y bronze na single y quadruple sculls de mujeres, respetivamente, durante el 2024 South East Asian Rowing Senior U23 y U19 Championship que ya hace desde Junio 24 hasta 30 na Jaiphong, Vietnam.
Si Paraon un residente de Barangay Dulian-Upper Pasonanca, quien miembro del Philippine Team.
Si Dalipe ya expresa orgullo y suporta con el mga atletas de Zamboangueño, y ya promete continua inicia programas para perfecciona el habilidades y talento del mucho jovenes aspirante atletas. (B. Garcia)