Ibdauloan ni Gob. Matthew Marcos Manotoc ti pannakaiyawat dagiti tulong para kadagiti ka probinsiaan kangrunaan dagiti mannalon.
Ibatadna a daytoy a ganuat ket paset iti agtultuloy a panangipaay ti gobierno probinsial ti naan-anay a suporta kadagiti mannalon.
Kunana a kangrunaan a gagem daytoy ket ti in-inut a panagbaliw dagiti mannalon nga agmula kadagiti High Value Commercial Crops wenno HVCC manipud iti panagmula ti pagay.
Inbunannagna a manarimaan pay laeng ti pannakaipinal ti agriculture master plan.
Nupay kasta kunana a daytoy ti direksyon a namnamaenna a makaipaay ti pagsayaatan kadagiti mannalon ditoy probinsia gapu ta mamati a ti rice tarriffication ken naunday a problema ti parnuayenna iti kabibiangan dagiti mannalon.
Inlawlawagna a nupay ikalkalikagumĀ ti probinsiaĀ a mapataud iti bukud a lugar ti bagas a kasapulan para iti ilocos Norte ket nasken nga ipalawa ti panagmula kadagiti HVCC nga alisto a mailako ken agbalin a pamastrekan dagiti mannalon.
Malaksid iti daytoy, pinalagipanna dagiti mannalon iti pakaseknan iti rimmuar iti panagadal itay kalabes a matmatayen tiĀ daga kadagiti pagtatalonan isu a nasken iti panagannad kadagiti āagri inputsā nga us-usaren kadagiti pagtatalonan kangrunaan kadagiti kemikal.
Kabayatanna, ginutigot ti gobernador ti tunggal maysa nga agmula iti natnateng iti arubayan iti daytoy a panawen ti krisis.
Innayonna a babaen iti daytoy ket mapataud ti kasapulan ti uneg ti pagtaengan ken kadagitiĀ kaprobinsiaan.
(Rosita Cainggoy, RPN DZRL Batac Correspondent)
(Source: Provincial Government of Ilocos Norte)