Naiget a supurtaran ni Ilocos Norte Gob. Mathew Marcos Manotoc dagiti nakalinya a programa ken aktibidad ti barangay Poblacion iti Burgos Ilocos Norte iti Environment Month.
Segun iti gobernador, makidanggay ti gobierno probinsial iti World Environment day kas panangproteher ti nakaparsuaan, nadalus, naberde ken natalged nga aglawlaw.
Kuna ni Punong Barangay Jojie Jimenez a kinataripnongna dagiti mangbukbukel iti solid waste management committee a nagtinungan da kadagiti dadduma pay a maaramid para iti nasao a selebrasion.
Kunan nga inrugi da metten iti binulan nga ub ubraen da a community service a panangkita iti Pusuak Spring a maysa a paggapgappuan ti danum.
Inpalgakna a padur asen ken papintasen da pay iti lugar gapu ta adun dagiti agturturong a local ken gangannaet a turista.
Inlawlawagna a daytoy ti maysa kadagiti kangrunaan nga aktibidad da itaa bulan ti Hunyo kas panangrambak iti environment month.
Innayon ti punong barangay a maysa laeng daytoy kadagiti nagduduma pay a programa ti barangay Poblacion iti ili a Burgos kas pannakidanggay iti environment month iti probinsia.
(Cita Macalipis, RPN DZRL Batac Correspondent)
(Source: Provincial Government of Ilocos Norte)