Binigbig ni Ilocos Norte Gob. Matthew Marcos Manotoc dagiti 37 a partisipantes iti Skills Training on Meat Processing and Mobile Product Photography cum packaging and labeling iti Northview Hotel iti suidad ti Laoag.
Dayoty ket nakikammayetan pay laeng ti gobierno probinsia kangrunaanna ti MSE Office nga indadaulwan ni Mrs. Elma Gabriel ken Dept. of Science and Technology wenno DOST.
Kagiddan daytoy iti panagyaman met ti gobernador kadagiti resource speaker a da Ms. Diana Corazon Pastor iti MMSU education research 11 ken john Lessie Lu distribution manager iti Alaska products ken dagiti sponsors a tumutulong iti nasao nga aktibidad.
Kangrunaan a gagem iti skill training on meat processing and mobile product photography cum packaging and labelling ket tapno ad-adda pay a mapadur-as dagiti bukod a produkto ken food business.
Inpalgak ti gobernador a napintas ken dakkel iti production site ngem turang iti processing ken post production tapno agtultuloy iti chain of supply.
Mangnamnama ti gobernador a babaen iti panangikarkarigatan ket magun-od iti kalkalikaguman a pagbalinan dagiti bukod a produkto wenno finished products nga agbalin a word class.
Gapu iti daytoy, gutgutiguten ti gobernador ti MSE office nga itultuloy ti nasao a tignay gapu ta adu dagiti agricultural products a kasapulan a mapadur-as iti kalidad da. (Rodrigo Sadian, RPN DZRL Batac OIC)
(Source: Provincial Government of Ilocos Norte)