Maladingitan ni Gob. Matthew Marcos Manotoc iti agdama a sitwatsyon ti probinsya iti daytoy a panawen ti pandemia a gubuay ti COVID-19.
impalgakna a basar iti kaudian a data ti COVID-19 ditoy Ilocos Norte a naggapo iti Department of Health wenno DOH rumbeng nga addan ti probinsia iti babaen ti Modified Enhanced Community Quarantine wenno MECQ.
Nupay Kasta, inlawlawag ti gobernardo nga inkeddangna a maideklarar a maipaigetan ti panag-quarantine imbes a maipan iti MECQ gapu ta saanna a kayat a maapektaran manen ti in-inuten nga agreekrekobre nga ekonomia ti probinsia.
Mainaig iti daytoy, nagpanawagan kadagiti kakailian iti panangseryoso iti iyaadu ti kaso ti COVID-19.
Umapela ni Gob. Manotoc nga ad-adda pay nga igetan ti panagusar ti “face mask ken ti panangobserbar ti “social distancing” tapno ma-enjoy ti “Lockdown free” wenno kaawan ti “lockdown ” kabayatan ti semana santa.
Ginutigotna ti tunggal maysa a mangsaluad iti bukud a salun-at tapno makatulong a mangsaluad iti salun-at dagiti ipatpateg iti biag ken dagiti kakailian. (Ronald Domingo, RPN DZRL Batac Correspondent)
(Source: Provincial Government of Ilocos Norte)