30.9 C
Manila
Friday, March 29, 2024

Gob. Garcia Motambong Na Usab Og Laing Hearing Sa Kongreso Karong Adlawa

- Advertisement -




Cebu City – Human mitambong sa Senate hearing, gipatambong na sab si Gob. Gwendolyn Garcia sa hearing sa Committee on Overseas Workers Affairs sa House of Representatives.

Gitakda ang hearing karong adlawa, Hunyo 17, 2021.

Nadawat ni Garcia ang imbitasyon nga gipirmahan ni Atty. Christopher Lomibao, kinsa maoy nag representar kang House Committee Chairman Raymond Democrito Mendoza.

Si Mendoza maoy Party-list representative sa Trade Union Congress of the Philippines.

Ang maong committee mi imbitar kang Garcia isip usa sa mga resource persons sa ilang pagtuki sa daghang concerns nga naglambigit sa “rights and welfares” sa mga overseas taliwa sa nagpadayon nga Coronvirus-19 (Covid-19) pandemic.

Tukion sa Committee ang quarantine procedures alang sa mga returning OFWs, partikular na ang guidelines nga gipatuman sa Inter-Agency Task Force (IAITF) for the Management of Emerging Infectious Disease ug ang swab-upon-arrival policy nga gipatuman sa kagamhanan sa Lalawigan sa Sugbo.

Sukad sa Marso ning tuiga, gipatuman sa Sugbo ang pag swab dayon sa mga mangabot nga OFWs ug ROFs diha sa Mactan Cebu International Airport.

Mo istar sila sud sa quarantine hotel labing dugay tulo ka adlaw samtang magpaabot sa resulta sa Covid-19 test.

Kini lahi sa IAFT policy nga gikinahanglan pa sa mga OFWs ug ROFS nga mo istar sa quarantine hotel balig 10 ka adlaw.

Kung ang resulta sa test mag negative, ang OFW o ROF tugtan nang maka uli sa ilang balay alang sa pagpadayon sa quarantine o sa facility nga gi-andam sa ilang matag local government units.

Si Garcia bag-o lang naka tambong virtual sa gipahigayong “Senate Hybrid hearing” nga nag tuki sa vaccination program sa nasudnong kagamhanan ug sa quarantine protocol sa mga OFWs ug ROFs nga mangabot.  (Jhon Tadlip/JTY)

(News & photos courtesy of Cebu Provincial Government)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -