Davao City- Gibisita ni Special Assistant Christopher Lawrence Bong Go ang gipahigayong GO Negosyo sa usa ka dakong mall sa syudad sa dabaw. Kauban ni Go sila ni Presidential Communications Group Secretary Martin Andanar ug Presidential Adviser on Entrepreneurship Joey Conception lakip ang common-legal wife ni Presidente Rodrigo Roa Duterte nga si Honeylet Avancenia kinsa usa usab ka negosyante.
Ang Go Negosyo “Mentor Me on Wheels program”gihimo sa syudad alang sa One-on-One Negosyo mentorship ug Business opportunities alang sa mga gagmayng negosyante sa syudad.
Atubangan sa mga negosyante, giila ni Bong Go ang kontribusyon sa tanang Micro, Small ug Medium Enterprises sa paglig-on sa ekonomiya sa nasud. Gipasabot pa ni Bong Go nga tumong sa Administrasyong Duterte nga mahatagan ug opurtonidad ang katawhang Pilipino nga buot makasugod sa ilang Negosyo. Buot usab sa Kagamhanan nga mapakita sa langyawng nasud ang mga produktong Pinoy nga pang World Class.