Giya Panahon Sa Emerhensya Gimugna Sa CDO

Giya Panahon Sa Emerhensya Gimugna Sa CDO

by RPN
179 views

CAGAYAN DE ORO CITY- Sa tinguha nga mapakgang ang pagkaylap sa corona virus disease sa Cagayan de Oro, ang konseho sa syudad mimugna sa mga giya nga gamiton aron ipatuman panahon sa deklarasyon sa nasudnong kagamhanan ug health emergency. Kini pinasubay sa section 16 sa Local Government Code nga naghatag gahum sa lokal nga kagamhanan pagpatuman sa mga gikinahanglang lakang aron maprotektahan ang katawhan.

Ubos sa maong ordinasa, gidid-an si bisan kinsa sa paglatagaw, paglakaw-lakaw, pagdula ug pagstandby nga walay insaktong tumong ug tinguha diha sa kadalanan, parke, entertainment places, convenience stores, bars ug food outlets gawas lang dinha sa ilang panimalay o compound. Ang maong balaod magpahimutang sa silot nga duha ka oras nga community service alang sa unang kalapasan, upat ka oras nga community service sa ikaduhang kalapasan ug walo ka oras nga community service alang sa ikatulong kalapasan diha sa barangay diin nanimuyo ang masapon nga makalapas sa balaod.

Alang sa masapon nga mga menor de edad, kinahanglan motambong sa lecture kuyog sa mga ginikanan o guardian diha sa barangay diin nanimuyo ubos sa supervision sa Barangay Council for the Protection of Children o BCPC. Hinuon ang balaod naghatag exemption alang niadtong mga gitawag nga essential persons. Kini nag-apil na sa opisyal ug kawani sa gobierno, health professionals ug workers, business owners, business managers ug supervisor, laborers, drivers ug uban pang trabaho nga nagtawag sa serbisyo.

Gihatagan usab sa kahigayunan nga mogawas sa ilang panimalay ang mga molupyo nga mopalit sa mga batakang palaliton diha sa merkado, groceries, convenience stores, botika, food outlets ug uban pa.

0 comment

Related Posts