30.9 C
Manila
Friday, March 29, 2024

GenSan’s Iron Lady Rosita Nuñez, ‘Go’ Na Sa VM Race Sa 2022

- Advertisement -




Nagpadayag na sa iyahang intensyon nga makig-lumba alang sa vice mayoralty race sa General Santos City ang giilang ‘Iron Lady’ sa siyudad nga si City Councilor Rosalita Nuñez.

Sa eksklusibong pagkighinabi , gikumpirma sa veteran lawmaker ang kagustuhan niining ipadayon pa ang pagserbisyo sa mga Henerals, human sa iyahang termino sa Sangguniang Panlungsod.

“Third term nako as konsehal. I have nowhere to go, so, siyempre, capable pa man ko. I am determined to run as vice mayor. God willing,” ang tipik sa pamahayag sa opisyal.

Gipanghingusgan pa ni Nuñez nga pursigido kini sa iyahang maayong katuyuan, bisan mamahimo kining “independent candidate”.

“I am definitely planning to run as vice mayor. On a scale of 1 to 10, whether may party o no party, modayon gyud ko.”

Una nang mitumaw ang mga hohongihong nga lakip sa ginakonsidera sa kasamtangang administrasyon si Nuñez sa ilahang ticket, higayon nga makahimo og line-up sa taliabot nga eleksyon.

Atol sa naunang pakighinabi usab kang City Councilor, Atty. Franklin Gacal, Jr., gikumpirma usab niini ang planong pagdagan sa susamang posisyon sa 2022.

Kung madayon ang maong katikaran, mahitabong sangka sa “mentor versus protegee” ang faceoff sa duha sa pagka-bise mayor sa GenSan.

Si Gacal ang nagsilbing city administrator sa termino kaniadtu ni Nuñez, isip mayor sa siyudad tuig 1988.

Hinuon karon pa lamang, aduna nay tambag si Nuñez kang Gacal.

“Dili man siguro maayo nga mosukol og nanay,” ang dala komedya nga mensahe sa opisyal.

Gawas sa duha, nakaabot usab ang impormasyon nga planong pagdagan sa pagka-bise mayor ni former City Councilor, Atty. Art Cloma. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -