Nagpabiling NCoV free ang syudad sa GenSan bisan pa adunay nakumperma nga usa ka Chinese nga giobserbahan sa City Health Office.
Sa pamahayag ni Dr. Jett Oco, ang City Health Officer sa syudad, nga aduna matod pay usa ka lalaki nga Chinese ang adunay travel history sa Wuhan, China.
Dugang ni Oco nga sukad miabot ang nahisgutan sa syudad, wala na matod pa kini migawas-gawas og nag self-quaranteen sa girentahang lawak. Wala usab matod pay nakit-ang bisag usa ka sintomas sa NCoV ang maong lalaki.
Nanawagan usab si Dr. Lalaine Calonzo nga magpabiling kalmado ang publiko tungod kay siguraduhon matod pa sa CHO nga ipadayon ang hugot nga pagbantay sa OCoV aron magpabiling NCoV free ang syudad sa General Santos.