Wala nay kinabuhi ug paingon na sa pagka dugta nga nakit-an ang usa ka American National sulod sa gipuy-an niining condominium.
Na diskubri-an kini pasado alas 5:00 sa hapon, Nobyimbre 4, 2024, didto sa Brgy. Luz sa syudad sa Sugbo.
Ang biktima giila sa Mabolo Police Station, CCPO nga mao si Carl Edward Hoffman, 63-anyos ang panuigon, usa ka negosyante, taga-Virginia, USA ug kasamtangang nagpuyo sa maong condo.
Sa imbestigasyon sa kapulisan nasayran nga ang tig limpyo sa maong condominium nakatimaho og dili masabot nga baho gikan sa unit diin nagpuyo ang maong langyaw.
Sa pagsusi na sa tagdumala niini pinaagi sa pag abli sa unit nakita nga naglingkod nga wala nay kinabuhi ang biktima na paingon na sa pagka dugta.
Sa pagkakaron ang mga sakop sa Scene of the Crime Operatives kon SOCO padayon pa sa ilang imbestigasyon aron pagsuta kung unsay gikamatyan ni Hoffman.
Photo: SOCO
I via Renante Lada and Ting Joe Pepito