Sumala pa ni Allan Marcilla, ang labaw sa City Environment and Natural Resources Office. Ilang na-rescue ang maong pawikan pinaagi sa impormasyon gikan sa barangay. Kusgan pa ang pawikan apan ilang nadiskubrehan nga aduna kiniy taga o fishing hook sa tutunlan.
Ila pang imbestigahan kung sa unsa nakaabot ang pawikan sa maong area ug kung aduna bay mananagat ang nisulay og kuha niini pahitungod sa nakit-ang fishing hook sa tutunlan niini.
Sa ilang pagbana bana, aduna kiniy kabug-aton nga 40 kilos og posibleng nag edad ug 50 anyos.
Dugang pa ni Marcilla, nagpasabot lang kini nga healthy pa ang kadagatan sa sarangani bay.
Ginahulat nalang sa maong buhatan ang veterinarian gikan sa sarangani province nga si Dr. Roy Memorada aron ma-checkup ang pawikan og matanggal ang taga sa tutunlan.
Sa pakakaron, anaa sa maayung kondisyon ang ginakonsiderang endangered species.
Captured By: Marlon Binarao