GENERAL SANTOS CITY – NAGPABILIN sa lugar nga gi demolish sa City Clearing Team ang usa ka pamilya sa rason nga wala silay kabalhinan Sumala sa padre de pamilya nga si Julius Garcia, naapil sila sa gi demolish apan wala dayon sila nakahawa gumikan wala silay kabalhinan. Wala usab daw silay paigong salapi aron mag renta ug kapuy-an, gumikan niini naga panawagan si Garcia sa barangay basin adunay matabang kanila. Sa bahin ni Kapitan Arthur Ryan Dupalco gisulti niini nga ang lugar nga giokupa sa mga vendors sa dugay nga panahon iya sa barangay, kabahin sa kalsada ug kadaghanan sa nagatinda gipalit sa unang nag-okupa sa lugar ang ilang mga pwesto. Sa karon gikuralan na ang lugar ug dili na makasulod ang mga vendors samtang usa ka pamilya ang nabilin.