General Santos City – Balhog karon sa selda sa Fatima Police station ang usa ka barbero human kining masikop sa gikasang drug buy bust operation sa kapulisan.
Naila ang maong dinakpan nga si Joseph Tagnipis, 47 anyos, minyo, barbero ug residente sa Prk. Lower Puting Bato, Brgy. Calumpang ning syudad sa GenSan.
Sumala pa nga alas 11:53 ang takna sa gabie, Hulyo 30, 2023, nagpahigayon ug entrapment operation ang kapulisan sa Fatima police station sa area sa Prk. 23, Fernandez, Brgy. Fatima sa pagpanguna ni PCapt. Juvelyn Carbonell ang deputy station sa commander sa Fatima police station kung asa target ang nasangpit mga suspek.
Napalit gikan kang Tagnipis ang usa ka sachet sa gituhuang shabu nga gamit ang 500 pesos nga buybust money. Samtang nabawi usab sa posisyon niini ang lain pang 4 ka sachet sa gituhuang shabu.
Sumala pa nga dugay na matud pa nga ginapanid-an sa kapulisan ang suspek hinungdan nga nahulog kini sa ilang mga kamot.
Sa karon giandam na sa kapulisan ang kasong kalapasan sa Sec. 5, ug Sec. 11 sa Art. II sa R.A 9165 kon Comprehensive Dangerous Drugs Act of 2002 batok sa nasangpit nga dinakpan. (Rey G. Ombaña)