27.1 C
Manila
Monday, March 4, 2024

General Santos: Tulo ka pulis lambigit sa ‘nanlaban’ case, taktak sa pwesto

- Advertisement -

GENERAL SANTOS CITY – GITAKTAK sa pwesto ang tulo ka pulis nga lambigit sa insidente sa nanlaban sa Purok Alquizar, Barangay Apopong, GenSan. Gipahamtangan og administrative relief silang Police Executive Master Sergeant (PEMS) Jemar Besana, Staff Sergeant Mark Anthony Gabay ug SSg. Mohammad Abdulfata naka-destino sa Makar police station. Matud ni Police Col. Nicomedes Olaivar Jr., director sa GenSan City Police Officed (GSCPO), nagpositibo usab sa paraffin test si Besana ug ang napatay nga si Fernando Delas Marias alyas Lando, 50-anyos. Dugang sa opisyal, nag-match usab ang bala sa pusil ni Besana sa mga bala nga nakuha sa lugar asa nahitabo ang insidente. Si Delas Marias, ang usa sa tulo ka suspek sa pagpatay kang Paul Justine Besana nga gikaengong pag-umangkon sa pulis nga si Besana. Sa imbestigasyon, human ang pagpatay kang Paul Justine naglusad og operasyon ang kapulisan batok kang Delas Marias ug laing duha pa. Dihang nasikop si Delas Marias, dad-on na unta kini sa presinto apan nahitabo ang pagpangilog og pusil sumala pa niini sa pulis nga si Besana.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -