Wednesday, June 12, 2024

General Santos: Transport sektor nabalaka nga mas momahal pa ang presyo sa lana gumikan sa gubat tali sa Ukraine ug Russia

- Advertisement -

General Santos City – Daku ang kabalaka sa transport officials sa Gensan sa nahitabo nga gubat tali sa Ukraine ug Russia gumikan sa epekto niini sa presyo sa lana samtang nagapaabot pa sila sa ayuda gikan sa nasudnong gobyerno.

Visit RPN DXDX General Santos

Sa pahayag ni Metro Gensan Transport Cooperative General Manager Orly Sabelita ang tanang tawo wala gayod naghandom og giyera ug sa ilang panglantaw sa ilang sektor ang epekto sa gubat sa presyo sa lana nga sigi saka matag semana.

Dili usab nila gusto nga sigi pangayo og usbaw sa pletihan kay maka- apekto kini sa mga pasahero mao nga nagalaum sila sa ayuda sa gobyerno.

Sa ayuda nga ilang ginapaabot sama sa Pantawid Pasada card, ang niabot kanila unom pa lang ka cards alang sa ilang Euro4 units ug wala pa sa ilang mga multicabs, samtang ilaha pa usab ginahulat ang ikatulong hugna sa Libreng Sakay.

Tungod sa sitwasyon nga wala pa usab sila nakabalik sa full capacity unya adlaw nga Martes may impormasyon sa laing usbaw sa presyo sa lana, ang ilang himuon mao nalang ang pag full tank sa ilang mga units unya ang paghatag subsidiya sa ilang mga miyembro gikan sa ilang nabiling pondo sama sa ilang gihimo sa miaging tuig.

(Source: Transco Gensan)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -