General Santos City: Usa ka Manhunt Charlie Operation sa Kiamba Municipal Police Station, Kiamba, Sarangani Province nga miresulta sa malampusong pagkasikop sa Top 3 Most Wanted Person sa Sarangani Province niadtong Oktubre 21, 2024. Giila ang akusado nga si alyas “RON”, 38 anyos, lalaki, ulitawo ug residente sa Brgy. Nalus, Kiamba, Sarangani Province. Gidakop sa joint operating personnel gikan sa Kiamba PNP ug uban pang supporting units sa kapulisan pinaagi sa Warrant of Arrest gumikan sa kasong SEXUAL ASSAULTH ubos sa Criminal Case No. 03817-24. Hinuon, adunay piyansa nga girekomendar ang korte alang sa temporaryo niining kagawasan nga mokabat sa Duha ka Gatos ka Libo ka Pesos (PHp 200,000.00) nga gi-issue gikan sa RTC Branch 49, Alabel, Sarangani Province pinetsahan og Septiyembre 2, 2024. Ang nadakpan nga wanted person anaa na sa kustodiya sa Kiamba MPS.