General Santos City – Sa usa ka coordinated law enforcement operation, malampusong nasikop sa PRO 12 ang usa ka Top 10 Most Wanted Person Regional Level sa Brgy. 171, Bagumbong, Caloocan City ning nalalabay’ng adlaw, Abril 1, 2025.
Nasikop sa hiniusang operatiba sa Arakan Municipal Police Station, Cotabato Police Provincial Office, District Special Operations Unit, District Intelligence Division, ug Regional Intelligence Unit 3 si alyas “Ramil”, 35 anyos, residente sa Sitio Dili-On, Greenfield, Arakan, Cotabato, tungod sa krimen nga duha ka ihap sa pagpanglugos.
Giila ang akusado nga Top 10 Most Wanted Rape Suspect sa SOCCSKSARGEN ang kasamtangang gitanggong ug ubos sa kustodiya sa NPDCFU alang sa tukmang disposasyon.
“Kini nga pagdakop usa ka testamento sa among dedikasyon sa pagsubay sa mga pugante ug pagsiguro sa hustisya alang sa mga biktima.
Ang PRO 12 nagpabiling komitado sa paghimo sa atong mga komunidad nga mas luwas pinaagi sa walay hunong nga paggukod niadtong molikay sa balaod,” matud pa ni PBGEN ARNOLD P ARDIENTE, Regional Director, Police Regional Office 12. (Rem Agdon)
News&Graphic: RPIO-PRO12