General Santos City – GIWAGTANG na sa Carlos Garcia (Freedom) Park kon Oval Plaza ning dakbayan sa Gensan ang unang TEMPORARY OFFICE ni Gensan lone District CONGRESSWOMAN SHIRLYN BAÑAS nga nahimong kontrobersyal sa s’yudad sulod sa pipila ka adlaw.
Ang bag-ong TEMPORARY OFFICE ni CONG. BAÑAS mapalgan na karon sa Davao-Makar highway unahan lamang sa BURGER KING, tapad sa “Bar Ko sa Lagao” Restaurant sakop Brgy. Dadiangas Heights, General Santos City.
Ang maong lugar, gipahulam lamang matud pa sa “pamilyang Mejorada” nga gikalipay ug gipasalamatan og daku sa nasampit nga Kongresista.
Gihangyo lamang ni CONG. SHIRLYN ang pagsabot sa publiko sa pagbalhin sa lokasyon nga medyo halayo kini’g gamay sa sentrong bahin sa s’yudad
Abli matud pa ang maong TEMPORARY OFFICE ug padayon nga ga-serbisyo sa mga konstituwenti hilabi na alang sa “social services gikan alas-8:00 sa buntag hangtud alas-5:00 sa hapon. (Rem Agdon)