General Santos City: NATUMBOK na sa kapulisan sa GenSan ang mga suspek sa pagpamusil patay sa usa ka sikad drayber pinaagi sa CCTV camera ug sa mga testigo nga nakahatag og lig-on nga ebidensya. Segun sa labaw sa General Santos City Police Office nga si PCol. Nicomedes Olaivar Jr. migawas sa ilahang imbestigasyon nga nalambigit sa illegal activities sa Maguindanao ang biktimang si Datu Mama Abdul, 39-anyos, homeowners sa Vivienne Heights, Purok 13, Barangay Mabuhay, GenSan. Sa karon giandam na sa kapulisan ang tukmang kaso batok sa wala pa gipanganlang mga suspek. Kahinomdoman, Dominggo sa gabei, Hunyo 23 gikan namasada ang biktima kuyog ang 10-anyos niining anak dihang gipusil atubangan sa nahisgotang subdibisyon. Upat ka samad pinusilan ang naangkon sa biktima ug narekober sa crime scene ang basiyo sa caliber 45 nga pistol.