General Santos City – usa ka mapasalamaton nga okasyon, ang DOH-CHD SOCCSKSARGEN mihatag og bag-ong ambulansya ngadto sa RHU Apopong ilalum sa LGU Gensan bag-ohay pa lamang.
Ang kalihokan, pinangulohan ni Regional Director Aristides Concepcion Tan uban ni Dr. Melissa T. Sena – Director IV sa DOH Health Facilities and Development Bureau, nga gipahigayon sa DOH CHD 12 Compound sa Brgy Paraiso, Koronadal City, isip kabahin sa Health Facilities Enhancement Program.
Kining bag-ong ambulansya, nga nagkantidad ug P2.2 milyones ka pesos ug puno sa mga advanced medical equipment ug life-saving supplies.
Tungod niini, gikatakdang magbag-o sa katakus sa RHU Apopong sa paghatod sa top-notch nga medikal nga pag-atiman sa mga residente sa General Santos City. Kini nga pagbag-o maghatag kasegurohan nga tulin ug episyente nga transportasyon sa pasyente sa mga kritikal nga sitwasyon.
Ang ceremonial turnover gipasiugdahan sa mga importanteng tawo nga naglakip nila ni Dr. Lalaine Calonzo, Acting City Health Officer; Dr. Nerissa Irene Penamante, Executive Assistant for Health; Jose Guerrero III, RHU-Apopong’s Medical Officer; ug Hon. Helen Javier, Brgy. Apopong Kagawad on Health. Nakadugang sa kahinam, nakadawat usab ang RHU Apopong og duha ka unit sa Samsung Galaxy A05. (Rem C. Agdon)