Sa pagpakita og suporta sa athletic delegation gikan sa Malungon, Sarangani Province, si Malungon Municipal Mayor Tessa Constantino, nibisita sa Sarangani Delegates Quarter aron paghatag og sports shoes ug tumblers sa 27 ka mga atleta nga mialmot sa Socsksargen Regional Athletic Association (SRAA) 2024 nga ipahigayon sa Mayo 13-17, 2024, sa Acharon Sports Complex, General Santos City.
Si Mayor Tessa mibisita sa athletes’ quarters nga anaa nahimutang sa Alabel Central School sa Alabel, Sarangani Province, aron pagpataas sa ilang espiritu ug pagdilaab sa ilang kadasig aron makab-ot ang himaya alang sa Malungon.
Dugang pa, madagayaon niyang gipresentar ang Aquaflask Tumblers isip mga timaan sa pagpasalamat sa 12 ka mga coach uban sa gihuptan nilang mga Atleta nga nagrepresentar sa lungsod. (Rem Agdaon)