Ang South Cotabato Police Provincial Office (SCPPO) nihimo og duha ka malampusong operasyon batok sa ilegal nga armas ug drugas.
Sa lungsod sa Polomolok, gipatuman sa mga personahe sa Polomolok MPS ug SCPIU ang search warrant batok kang alyas “Cyril” sa Brgy. Silway-8, hinungdan nga nasakmit ang usa ka walay lisensya nga kalibre .38 nga revolver, mga bala, ug mga drug paraphernalia.
Nahimo ang saktong dokumentasyon bisan pa sa pagdumili sa pagpirma sa suspek. Giandam na ang kasong paglapas sa RA 10591 ug RA 9165.
Samtang sa Koronadal City, nasikop ang buy-bust operation sa SCPPDEU ug KCPS-CDEU nga niresulta sa pagkasikop ni alyas “Jet” ug alyas “Toto” sa Brgy. San Isidro tungod sa pagpamaligya og gituohang shabu.
Nakuhaan og tulo ka sachet sa gituohang shabu ug marked money. Kasamtangang gitanggong ang mga dinakpan ug pasakaan og kasong kalapasan sa RA 9165. (Rem Agdon)
News&Graphic: SCPPO