General Santos: Sarangani Province panas na sa Top 10 Poorest Province in the Philippines

0
59
Sarangani Province – Malampusong nakab-ot sa Sarangani Province ang pagbulag na niini gikan sa Top 10 Poorest Provinces in the Philippines.
Ang naasoy nga maayong balita ang gipresenta atol sa gipahigayon nga Consultative Meeting tali kang Governor Rogelio “Ruel” D. Pacquiao ug sa mga punong barangay gikan sa 142 ka mga barangay sa Sarangani, Abril 12, sa Greenleaf Hotel, General Santos City.
Kini human gibalita sa Sarangani Provincial Planning and Development Office sa pagpanguna ni PPDO Coordinator Engr. Alain Alcala ang poverty situation sa probinsya kansa gitandi niini ang poverty incident sa tuig 2018 nga adunay 36.1% o kon 48,280 poor families, 2021 nga may 33.5% or 58,800 poor families, ug 2023 nga naay 30.3% o kon 44,740 poor families nga maoy hinungdan nga natagak na ang Sarangani gikan sa Top 10 Poorest Provinces in the Philippines.
Hilabihan ang kalipay ni Governor Pacquiao nga makit-ang adunay positibong resulta ang pagpaningkamot niini nga mapaduol ang serbisyo publiko sa katawhan katambayayong ang mga provincial, municipal, barangay officials, ug sa mga Sarangan.
Luyo niini, nagpadayon pa sa pag-arangkada ang mga kasamtangan nga programa ug mga proyekto sa probinsya aron nga mas mukunhod pa gayud ang kalisod ug kapobrehon sa nasampit nga Probinsya. (Giovanni Pasco)

Leave a Reply