Sarangani Province – Nakighimamat si Sarangani Governor Elect Ruel Pacquiao ngadto sa mga Department heads sa probinsya kagahapon sa hapon.
Atol sa maong aktibidad, Gilatag sa gobernador ang iyang mga programa apil na niini ang iyang fragship program partikular ang “RONDA PROBINSYA” usa ka people-centered nga programa nga mas magpalambo pa sa natad sa governance structures sa mga barangay, magpromote ug peace building, mag preserba ug mag promote sa cultural integrity sa mga IP ug Moro Communities, magpalambo sa panginabuhi sa mga Sarangans ug sa mga anaa sa Vulnerable sectors ingon man ang pagpalambo pa sa edukasyon sa mga kabataan.
Apil sa Special Programs sa “RONDA PROBINSYA” mao ang Sarangani Bangsamoro Affairs Program; Sarangani IP Resiliency and Advancement program; RP Kalinaw Program; RP Edukasyon Para sa Sarangan; Sarangani Barangay Governance Initiatives and Support; Ruel Pabahay: Housing and Shelter Program, ug RP-Social Enterprise for Empowerment and Development (SEED)program.
Prayoridad usab sa gobernador ang health and nutrition, diin ilawom sa maong programa ang paghatag ug libre nga maintenance medicine sa mga kwalipikadong senior citizen, paghatag ug libre nga medical assistance sa mga kwalipikadong indigent Sarangans, pag-upgrade ug pagpalambo pa sa medical nga serbisyo sa Sarangani Provincial Hospital ug daghan pa.
Samtang ilawom usab sa Agriculture and fisheries, usa sa mga programang gilatag sa gobernador ang pagpahigayon ug 1st food security congress/summit nga salmutan sa tanang sector ug stakeholders, pagtukod ug provincial Integrated livestock and poultry multiplier ug demo farms ug daghan pa.
Alang usab sa inprastraktura, apil sa mga programa ang pagpalit ug dugang equipment aron gamiton sa mga road opening, maintenance ug effective disaster response, pagbutang ug mga solar-powered lights sa mga nag-unang kadalanan sa probinsya, pagtukod ug bag-ong provincial Government Center ug daghan pa.
Apil usab sa tutukan ni Governor elect Ruel Pacquiao ang development administration ug daghan pa.
Human naglatag sa iyang mga programa si Governor Ruel Pacquiao, usa-usa usab nga naglatag sa ilang mga function and programs ang tanang mga department heads atubangan sa gobernador.
Samtang human sa meet and Greet sa mga department Heads, personal nga gibisita ni Governor elect Ruel Pacquiao ang iyang umaabot nga opisina sulod sa Kapitolyo sa Sarangani.
(Source: PIO-Sarangani)