General Santos City: Ang Sarangani PPO ubos sa pagpangulo ni PCOL DEANRY R FRANCISCO, Provincial Director malampusong nagpahigayon sa Simultaneous Anti-Criminality Law Enforcement Operation (SACLEO) sa nagkalain-laing Municipal Police Stations ning lalawigan niadtong nakalabay’ng adlaw, Agosto 13, 2024.
Malampusong nasikop sa mga operasyon ang napulo (10) ka Most Wanted Persons (MWP) sa Regional, Provincial ug Municipal Level ug pito (7) alang sa Regular Wanted Persons (RWP).
Sa kampanya batok sa ilegal nga sugal, tulo (3) ka operasyon ang gihimo ug duha (2) ka personalidad ang nasikop, ug alang sa anti-illegal drugs campaign niresulta sa pagkasikop sa duha (2) ka personalidad sa duha (2) ka managlahing operasyon nga gihimo.
Dugang pa, sa kampanya batok sa loose firearms (RA 10591), adunay kinatibuk-an nga unom (6) ka lainlain nga tag-as ug mugbo nga armas ang na-surrender. (Rem C. Agdon)