General Santos City – Padayon ang taas nga salig sa katawhan sa Rehiyon-12, base sa resulta sa survey Mindanao Development Authority (MinDa) sa 3rd Quarter sa 2023. Sa presentasyon ni Adrian Tamayo, Chief of Public Relations and Focal of Research and Development sa MinDa, nakakuha og impressive rating ang Police Regional Office (PRO) 12 nga nakaangkon og 94 Satisfaction, Trust, ug Respect, samtang commendable 93% ang Safety.
Nakakuha og taas nga rating ang kapulisan sa Class E respondent, class ABC ug Class D. Kahibaloan nga sa ikaduhang kwarter nakakuha gihapon og taas nga trust ug satisfaction rating sa susamang survey. Matud ni Police Brig. Gen. Jimili Macaraeg, regional director sa PRO-12 nagpakita lang kini sa ilang trabaho nga serbisyohan ug protektahan ang publiko. Dugang niini, magpabilin silang matinud-anon sa ilang mandate luyo sa mga isyu nga giatubang sa kapulisan. (Jun Abelo)Â